SERVICE CENTER

Biyernes pa lang, nag apod na si auntie tanganing isihon kung may laog ako sa trabaho nin Sabado. Mapaiba palan sa Nokia service center tanganing ipahiling kung anong diperesya kan saiyang telepono.


Nakaiyo na ako kan maguirumduman ko na iibanan ko man palan si mama sa UST Hospital para sa general check up nya. Pero pwede man palan na aga kami mahali ni auntie tapos pagkahapon, si mama naman ang iibanan ko.

Kinaagahan, napagkasunduan mi na iibanan mi muna sa hospital si mama tapos sabay sabay na kaming maduman sa service center pagkatapos ning check up.


Unfortunately, dae man palan laog an coordinator nin Asian Life pag Sabado kaya nagduman na lang kami sa Nokia Care sa Ali Mall.

Palibhasa weekend, kadakol an tawo. Ang number na naitao kay auntie, number 45.

Nalangkag garo sa kahahalat si mama kaya binayaan mi muna si auntie sa laog. Sabi ni mama, ibanan ko daa syang maghanap ning jeans na haloy haloy na nyang gustong bakalon.
Sa FOR ME kami nakakua.

Si mama kan nasa fitting room sulot an saiyang nagustuhan na jeans.

Pagkabayad sa counter, binalikan mi si auntie sa Nokia Care center.

Pagkatapos, dinara ko sinda sa Hap Chan.
Ang mainit na tea habang naghahalat na maluto ang order mi.

Happy ang duwa sa masiram na mirindalan.
Pagkauli mi sa harong, pinahiling ni mama kay ate saka kay tiyo Bentao ang nabakal nyang jeans.
"Garo baga sadit saimo, ate." sabi ni tiyo Bentao kan mahiling na fit sa legs ning ate nya ang jeans na nabakal nya.





"Dong, stretcheable 'yan 'noh?" an simbag ni mama.

BAG

Sabi ni auntie, gusto na daa nyang ribayan an bag nya na hali sa Metrobank ta musingon na. Nababakbak na pati ang interior lining kaya pag hiniling sa luwas, mumuon na.



Napapangisi lugod ang tugang ko. Pero si mama, garo mayong nadadangog sa pig-uulayan kan mag tiya ta sibot sya sa mga hugasan.

Nagpadara sa kantiyaw ni ate. Nag agda sa saod tanganing maghanap ning bag na iriribay nya . Si auntie yan kairiba si ate paduman sa saod. Kaya lang nagtatagiti na kan maghali sinda.

Sa haloy kan duwa sa saod, may saldang na pag uli ninda.

Pagbalik kan duwa, may tig sarong bitbit na plastick bag.

Maogma ang itsura kan duwa.

Si ate, mga gulay ang dara. Si auntie, bitbit ang saiyang nabakal na bag.

Inspeksyunon ta daw kung baga maray man. Ano yan auntie, warranty paper?

para sa bag na Diesel sa kantidad na P140.00

HAPPY FEET

Gusto ning pamangkin ko na magpa rebond ning buhok sa kataid ming parlor. Nagprisinta ang lola na ibanan ang apo nya. Tanganing dae malangkag, nakaisip magpa pedicure. Pagkatapos, binayaan ang nagpapa rebond sa parlor ta nag uli. Madiklum na dae pa ang pamangkin ko kaya pinasundo ni mama kay ate. Pag uli ning mag tiya, may kulay na din ang kuko ni ate. Ang buhok ning pamangkin ko, entirong urunat.
Ini ang mga bitis kan mag ina.

Kaipuhan may picture sa magkakaibang angles. Kan primero, game ang duwa sa pictorial.
Pero ara atyan lang, dae nang pakiaram.
Nalingawan ko na Dyesebel na palan. Kaya palan biglang nag iba an mood kan duwa. Garo mayong nahihiling.
Ang pamangkin ko na nagpa rebond kataid an saiyang lola.

Ma, itodo mo na 'yan!
Dae na din nya napugulan ang kaogmahan pag nahihiling nya ang aking si Boboy na side kick ni Dyesebel.
Kinaagahan, inatubang ni mama ang naipong labahan habang si ate ay naggagata ning niyog para sa gulay na langka.

Ang sikreto ning masiram na gulay na langka: liputok na gata, sili, sibuyas saka hibi. Pero siyempre, mas masiram ang gulay pag igwang kapartner na raging na pritong sira.

Pagkatapos magluto, nag lipstick ang ate ko.

Tanganing magpa picture.
Kairiba ang pamangkin ko.
Pagkatapos, nagbulos tanganing mag grocery sa Parco. Magkataid ang duwa sakay ning jeep na byaheng Philcoa habang nagdadalagan sa kalabaan ning Quezon Avenue.

AKO AY AYAM - MAGGIE

Igwang ataman na ayam ang kataid mi. Maski ngani bako samuya, garo mi na din sadiri ang ayam na ini. Pati sira mama, naparani din ang boot sa iya.
Pag nahiling nya ako na malaog sa opisina, hinahatod nya ako hanggang sa may tinampo. Pag abot ko hali sa luwas, sinasabat nya ako sabay kugos kan saiyang duwang bitis sa habayan ko. Parte na sya ning pamilya mi. Pag oras ning pagkakan, dae sya nalilingawan na bahugon anuman ang nilutong pagkakan sa harong.

Aldaw ning Sabado. Maray an saldang. Maliwanag pero bakong gayong mainit an panahon.
Napatingag si Maggie sa saldang. Palibhasa nagpaparauran kan mga nakaaging aldaw kaya garo ugmahon man sya na maray an panahon ngunian.
Enjoying the sun by the road side.
Pagkatapos magbalad, naghanap ning limpoy.
Ang supladang si Maggie.

MY BLOG

Mga pirang semana na ang nakakaagi magpuon kan enot kong gibuhon an blog na ini.
Aram nira mama na naka upload ang mga pictures ninda sa internet pero dae pa ninda nahiling maski minsan. Gusto ko kaya na ayos na ang itsura kan site bago ko ipahiling sainda.

Kaya ngunian na nai-upload ko na ang mga pictures ninda kairiba na so mga recent shots, pwede ko nang ipahiling sainda an sakuyang natapos.

Enot sa ate ko.

Sunod sa nanay ko.
Mukhang nag-eenjoy man sinda sa saindang binabasa.
Nakaabot kay tiyo Bentao ang istorya.

Kaya pati si auntie, na curious kung ano ang pigsisibutan ninda.

Dali-dali lugod na hinanap ang salamin nya.
Tanganing mahiling din ang sadiri nya sa internet.

Kumbinsido daw?
Si mama, palibhasa nahiling na ang blog ko, dae na sya nakiusyoso pa.

Naghanap ning barya para mag scratch ning GOBINGO cards na dara ni auntie.

Garo nahihiling hiling ko na ang masunod na eksena.

Makurulog na naman kaini ang muro ko sa kapipindot ning keypad kan celfone ko sa pagregister kan mga cards nya.