A VERY PLEASANT SURPRISE

Bago ako maglaog sa opisina, nagtugon si mama na magbakal ako ning tooth paste ta nakalingaw kaming magbakal kan huri kaming mag grocery. Kaya pagkatapos kong mag lunch, nagluwas muna sa sa opisina tanganing magbakal kan tugon nya.
Binakalan ko din sya ning St Ives apricot facial scrub.

Pagpuli ko sa harong, inabutan kong nagpapamangui si ate habang si mama, garo daeng nahihiling sa palibot nya. Palibhasa preoccupied na naman ning telepantasya. Anong oras na baga? Kaya palan ta Dyesebel na!


"Magkakan ka na lang dyan 'noy ha." , sabi nya sakuya habang sa TV pa din nakahiling.

Makakan na kutana ako pero naguirumduman ko so pinabakal nyang tooth paste kaya kinua ko muna sa bag. Enot kong niluwas ang tooth paste habang nakahiling sya sa piggigibo ko. Sunod kong inabot ang apricot scrub. Biglang nag iba ang mood kan lola. Dae mababayaran.

Arog na sya kaini ngunyan.

Nag demo pa sya kung paano ang gigibuhon nyang pagkuskos sa saiyang lalawgon, loong saka liog gamit ang apricot scrub.

Ang ate ko halos dae na makakakan sa kangingirit dahil sa pinaggagagawa kan saiyang ina!