NINOY AQUINO WILDLIFE AND PARK

Sabado. Amay nagmata si ate tanganing magluto nin babalunon mi sa picnic. Mapasyar kami sa Ninoy Aquino Wildlife and Parks sa Quezon City.

Si ate yan habang nagpiprito ning lumpia. Kan magmata si auntie Raquel, tinabangan syang mag hiwa ning gulay para sa buttered corn and carrots.

Siyempre dae pwedeng mawara ang kapeng barako kaya nagsalang ako para samuyang tulo.

Ang masiram na aroma ning giniling na kape sa paborito kong mug.

Kung kami nagsisiribot na sa pagpuon ning aldaw, si mader turog pa!

pero napurisaw ta maribok ang mga nasa kusina.

Pagkatapos magluto, sabay-sabay na kaming nagpamahaw.

Saka inayos ang mga dadarahon sa picnic arog kan kakanon, softdrinks, tubig, plates and cups

saka siyempre an sun block ni ate.


Kaipuhan talaga na may pocket book na dara sa picnic?
Si mader ini habang naghahanap ning pocket book sa cabinet.

Mga 8:30 am na kami nakaabot sa park. Kadikit pa sana ang tawo kaya nakakua pa kami ning bakanteng cottage. Dae pa sana kami nahahaloy kan mag abot ang kadakol na estudyante ning Guadalupe Catholic School. Igwa din nag arabot na iba pa na kadkaln ay magpapamilya. Saturday indeed is a family day.

Arog kaini kagayon ang nature park. Malimpoy ta kadakol kahoy sa palibot, may mahiwas na lagoon, fishing area saka mga cottage na very affordable an renta.

Pagkatapos pakarayon an mga bitbit, nag agda na ang magtugang sa may lagoon para mamasyar. Game sinda na nag pose sa camera magpuon sa mga kudal na gibo sa troso


saka sa may hagdan pababa sa lagoon.


Nag pose din ang magtugang sa puro ning tulay sa magkaibang anggulo.




Inagda ang tugang sa ibang location para sa masurunod na shots.
Nag iba man ang ate nya. Picture picture uli
pero dahil mainit na ang saldang kaya naghanap ning masisirungan. Igdi sinda nagpahingalo sa may mga puon ning kawayan.


Pero ara-atyan lang, inagda na naman ni auntie Racquel ang ate nya na magbalad sa may tulay

tanganing maghiling ning sira
saka water lilies. Pero at this point, garo mayo na sa mood ang lola ta pigbayaan sya ni auntie Racquel na kung saen saen nagduduman.
So I started taking pictures of them together tanganing i kondisyon an duwa sa masurunod pang shots.
Nagkanya-kanyang pose sa magkahiwalay na poste nin tulay
saka nagtaid sabay sabit kan mga braso na garo dae na masuwayan

saka magkaibanan na nagpugol sa kadena sa gilid ning tulay.

Iyo man sana na kung anu ano ang ginigibo ni auntie Racquel, maray pa gayod na iabot ko saiya an camera tanganing may picture din kami ni mader.
Yan...

Pagkatapos nya kaming kuanan ning picture, nag agda na sinda pabalik sa cottage ta nagugutom na daa sinda.

Ang nagmamadaling magtugang pabalik sa cottage.
Ini ang samuyang pangudtuhan: Steamed rice, lumpiang shanghai, crispy chicken wings, buttered corn and carrots, pancit canton saka suman.

May dessert pang ice cream na binakal mi sa naglalako sa atubangan ning cottage mi.

Pagkatapos mag ice cream, nag agda si Tiyo Bentao na magduman sa Wildlife Rescue Center tanganing maghiling ning mga hayop sa park pero habo nang mag iba ni mader saka ni auntie. Napagal garo ang duwa sa katatapos na photo shoot sa tulay.

Ini ang usa.
Ini man ang gamgam.
Pagkatapos ning halawig na pag iikot sa laog kan park, nahiling ko si ate saka si tiyo Bentao sa tungod ning park. Garo may pighahanap.

Kan dae nakua so pighahanap, nagbalik na kami sa cottage.

Arog kaini an samuyang inabutan.

Pagkapahingalo, nag agda si ate na maglakaw lakaw sa ibang parte kan park. Ako, si auntie Racquel saka si ate Malyn an iribanan. Si mader saka si tyo Bentao, nagpawalat sa cottage.

In the mood ang duwa para magpa picture.

Pati mga natumbang kahoy, ginawang props.

Nag arog man si auntie. Naghanap man sya ning masasakatan.
saka mahuhurandigan. Sa gabat ni auntie, ang maniwang na kahoy, naghapay.

Ang nakatumbang poste, inalalayan din ninda. Garo magian man lang.
Ay dae. magabat palan.
Ang duwa, sa ngaran ning photo shoot, maski saen saen na lang napuwesto.


May picture sa mga kudal na kawayan

pati sa sanga ning kahoy.
Kan nahiling ni auntie na magayon an pwesto sa sanga
nagsakat din sya.

Tanganing igwa din syang picture sa sanga.
Igwa din sa mga puon ning kawayan

saka sa manggahan.
Dae pa nakuntento, gusto pati ang lagoon, kairiba sa background.

An photo shoot naistorbo sa mga text messages na kaipuhan simbagon ni ate.
" Anong ginigibo mo dyan 'te?"
"Nagsasalamin sa tubig!"
Kaipuhan din na hiling ang fishing village sa background.
May nahiling na puon ning duhat, pose!

Napagal ako sa pagsunod sa duwa kaya nagtaid ako kay ate dagos nagpahingalo.

Tanganing may energy sa sunod na location shooting.
Ang auntie ko, dae pa ngani tapos sa sarong location, gusto na naman na maglipat sa ibong. Nakatukdo na naman ang kamot sa sunod na dudumanan mi.

Kan pauli na kami sa cottage, igwa kaming naagihan na puon ning tapayas. Ang ate ko na bistadong Papaya soap user, nagtindog sa atubangan ning maniwang na puon ning tapayas habang ini-explain an beauty benefits kaini.

Nag arog din si auntie. Dae ko lang aram kung ano ang benefit na makukua sa birds of paradise plant na tinutukdo niya sa may puon ning tapayas. Tibaad ini ang ginagamit nya sa saiyang lalawgon.
Pagkatapos kan huring shot sa puon kan tapayas, bigla akong binayaan ako kan duwa. Naghihidali.
Ampalan ta naghahanap ning rest room. Ini ang itsura kan duwa bago maglaog sa CR.
Pag abot mi sa cottage, kinakan mi ang natada sa balon mi.

Kan mabusog, nagturog. So habong magturog, nagbasa ning pocket book.

So habong magbasa nin pocket book, nagturog.

Hapon na kami nakauli sa harong. Mapagal pero maogma. Sulit an maghapon sa park.