AUGUST 25

Holiday ngunian pero naglaog ako sa opisina ta dakol akong kaipuhan na tapuson. Paluwas na ako sa office kan maguirumduman kong maghapit sa grocery. Inapudan ko ang celfone ni ate tanganing haputon kung ano ang gusto nindang ipabakal. Bukod sa gamit sa harong, ano pa?

"Ibakal mo daw si Bensoy ning PLACENTA." tugon ni ate sa balyong linya.

"May lalawgon ni Melanie Marquez ang kahon kaiyan." dagdag pa nya tanganing masiguro na tama ang babakalon ko.

Paglaog ko sa Parco, nagkua ako ning cart tapos nagdiretso na ako sa health care section tanganing maghanap ning sabong Placenta.


Ang namumukod-tanging PLACENTA sa sakuyang grocery cart.
Nagbakal na din ako ning iba pang kaipuhan sa harong para sa konsumo mi sa masunod na mga aldaw.


Namamalantsa si ate pag abot ko sa harong.
Si mama, nagpapanood ning teleserye sa siyete.


ASERO pa lang yan.

Ang talagang inaabangan nya, ara-atyan pa.

Habang nagpapahingalo ako, pigpwestuhan ako ni mama ning pamangguihan ta masiram daa ang pigluto ni ate.
Hilingon ta daw.

Sinugbang talong na may itlog na maalat, adobong pusit, ginisang sayote saka mainit na maluto.


Masiram ang malipot na inumon sa pagkakan kaya nagtimpla man ako ning Nestea.

Habang nagkakakan ako, pinapakaray ni mama ang mga sinampay nyang bado.
Ang mga bagong banlaw, sa may parigusan nya pinapaturuan. Pag medyo mara na, ililipat nya ini sa batbat na sampayan harani sa bintana. Madali man nganing maalang.

Si mama iyan habang naghihiling ning masasabitan kan saiyang sinampay.
Pagkatapos ayuson an mga nilabhan, binuksan na ninda ang mga grocery bags tanganing maisaray.

Ang UPO.

Pinapakalakagaan mi lang yan. Pagkaluto, isasawsaw sa toyo na may kalamansi. Saka siling labuyo. Siram!
Ang SAPSAP na pinaalang.

Pag pinirito, pwedeng i-partner sa upo.



Pero mas masiram ini sa pamahawan.
kapartner nin sinanlag na bahaw na maluto.

Dagdagan mo pa nin preskong kamatis on the side saka mainit na kapeng barako.
Ang INIPIT.

Naging paborito mi na ang produktong ini nin Lemon Square. Managom. Malumhok.



Sabi ni ate, sya na ang bagong endorser ning BEAR BRAND
PANCIT CANTON
saka sabong PLACENTA.

An paghuna ko kay Tiyo Bentao 'yan?

Dapat palan so puti an binakal ko ta iyo daa ang ginagamit nya.

Huli ta orange an nabakal ko, saiya daa ito.
Si mama ang tagasaray ning mga supplies.
Fruit cocktail para sa dessert.



Pagkatapos mailuwas an mga sinaod ko, balik sa pamamalantsa ang ate ko.
Kay mama palan ngani nakatoka an pagsaray ning mga gamit sa kusina.
Pano 'yan ma ta nagpupuon na ang DYESEBEL?

Inuton daw kaya ang pagdalan o papakarayon muna ang mga sinaod?

Hilingon ta daw..
Natulala na naman ang lola ko.

Arog sya kaiyan Lunes hanggang Biyernes.







Tapos na ang pigdadalan ninda kaya balik sa normal ang buhay.

Si ate 'yan habang naggagayat ning lychee para sa fruit salad na gigibuhon mi.





With freshest tropical fruits and creamy dressing, who can resist this mouth-watering dessert?

Ang masiram na fruit salad.
Taste test.

Dae nang kasunod na shot ta pati ako, nakikikakan na din.